احلي كلام مع علي سلامه

الفاتَحة عٍِالأموات


وفضلت أسَِتني أستّنى...
لَحدّ ماعََدّى اخر قطر عدى وفَات...
حَزنت قَعّدت أعيط أعيّط...
قلت أتمشي أتسلّى...
أتفرج عَالشّوارع والنّاس والعربيّات...
زهقت...
قُلت أرتاح...
سنَدت عَلَي روُحى...
إتلخبَطتّ جُوّايا كلّ الحَاجَات..
مدّيت إيدى فجيوُبُى...
لقيت شُوّية وَرَق قديم...
وصَوُر وكرُوت تليفونات...
قُلت أكلم مرَاتى...
افتكرت إنها خدت الدّوا...
ونَاَمت من تلات ساعات....
قُلت أكلم أخُويا....
افتكرت إنه طلعِ مَعَاش مُبكّر...
وكَاَره تاريخُه...
ومركّز فالتّأمينات..
قلت أكلم خَالىِ....
افتكرت إنه غتت غَتَاتَة...
ومعايا أنَا بالذّات...
قلت أكلَم خالتَى...
قُلت ياوَاد..
دى كانت خالتي وخالتك...
واتفرقّت الخالات...
قلت أكّلم صاحبى صلاح....
افتكرت إنه سافر العراقُ....
وفى إحتمال يكون مات....
قُلت اعمل دماغ...
بسّ معرَفش حدبتاع مُخدَّرات...
قُلت أمشى فمظَاهرة...
لقيت العساكرراجعين...
قالولي شطبنا علَي كل الُمظاهرات...
قُلت اتصل بالسّادة المسئُولين...
هايتّهموني بإزعاج السُّلطات...
قُلت ياربّ...
هُو أناإيه...
وليه...
ونسيت إيه...
وقطر إيه اللّى فات....
اَلَلًه يرحَمَك بقَى يَابَا...
والفاتحة عَلَى كُل الأموات....

ياريت تقروه لانه كلام اخر انبساط

علي سلااااامة مين ع فكرة انا اعرف مدرس انجليزي اسمه علي سلامة بس ايه عجب

اقرا واتعلم من مدرس الانجليزي بتاعي ده بنعرفكم ناس جديده يلا .......

فعلا على سلامة دة استاذنا فى الانجلش .. بس مش مهم كلام حلو برضو بس مش كل واحد يسرق فكرتى ويقولى احلى كلام واحلى اهداف معايا وبس والكلام دة فى قانون يحمى الملكية الفكرية يا جماعة وانا بعد كدة هتخذ اجرائاتى القانونية

صحى النوم يا بشمهندسة اللى عامل الموضوع مش على سلامة ولا حاجة دى انثى زيك تمام

والله؟؟ معلش يابنى العتب ع النظر
انت عارف بقى... اصل اللى عبدالرحمن امين عمله وناوى يعمله فينا مش قليل

ربنا معاكى ولو احتاجتى مساعدة متتكسفيش

ايييييه مين عبد الرحمن امين وعامل فيكو ايه بالظبط ياجدعان احنا موجودين لو محتاجين

عبد الرحمن امين دة دكتور عندنا بس اية اللى بينجح عندة بيبقى خاد البكالوريوس رسمى بس المشكلة انو بيدى تانية وتالتة ورابعة يعنى ان عديت من سنة مش هتعدى من التانية

طبعا مش الاستاذ على سلامة يا عبدة واكيد هنعرف يعنى متقلقش

خلاص ياجماعه ان شاء الله لما احتاج لكم اكيييييد هقول
بس ياريت ساعتها متخلعوش..... اصلها (كلام فى سركم يعنى) عملية اغتيااااااااااال

والله فعلا كان علي سلامه معاه حق الفتحه علي الاموات يلا

طالما فيها اغتيالات انا معاكى يا نهاد طبعا لازم هتحتاجى خبرتى كجينيرال

اساسى لازم طبعا يامحمد هحتاجك معايا...... على رأى الجمل
البشمهندس خبره برضه

ههههههههههههههههههههههههههههههههههههههه دة انا خبير ومش اى اى وانتى فاهمانى

طبعاااااااااا .... انت هتقولى

والله العظيم كنت متوقع انك هتقولى الكلمتين اللى انتى كتبتيهم دول -- دة احنا عشرة عمر

ههههههههههههه اه مااحنا الاتنين بقينا شغالين توقعات حلو اوى اليومين دول