قلبك ساعات زى الحليب صافى
و ساعات يكون زى السراب كداب ..
معقوله يبقى حضنك الدافى
هو اللى برضه بيقسى ع الأحباب ..!
و إزاى بتقدر تتقسم نصين
تجمعنا ..و فى ثانيه ..تفرقنا
و إزاى بتتغير فى غمضة عين
من بحر هادى لموج يغرقنا
و تقوم رياحك تقفل الأبواب ..!
قلبك ساعات زى الحليب صافى
و ساعات يكون زى السراب كداب
معقوله يبقى حضنك الدافى
هو اللى برضه بيقسى ع الأحباب
ماشيين فى ضلك
و إحنا مش عارفين
أنت فرحتنا .. آه ..ولا أوجاعنا ..؟
جايبين محبه و شوق لكن خايفين
لحظة ما نتقابل تودعنا
و نتوه و نرجع سكك أغراب ..
حلوه اوي الاغنيه دي عجبتني كلمتها اوي